Shyǵys Qazaqstan oblysynyń politsiia qyzmetkerleri 70 pornografiia saitty anyqtady, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary 9-15 tamyz aralyǵynda «Anti-fraud» jedel aldyn alý sharasyn júrgizdi. Mundaǵy maqsat – aqparattyq tehnologiiany qoldaný arqyly jasalatyn alaiaqtyqtyń aldyn alý jáne jolyn kesý.
«Jeti kún ishinde tártip saqshylary 12 internet alaiaqtyqty áshkereledi. Sondai-aq buryn jasalǵan 33 qylmys ashyldy. Ǵalamtor jelisine monitoring júrgizý nátijesinde pornografiia beinerolikteri bar 70 sait anyqtalǵan», - dep habarlady vedomstvo ókilderi.
Osy rette, departament mamandary azamattardy ǵalamtordy paidalanǵan kezde barynsha saq bolýǵa shaqyrady. Aqshańyzdy, bank kartańyzdyń derekterin jáne uialy operatorlardan túsetin qupiiasózderdi beitanys adamdarǵa jibermeńiz.
