Shyǵys Qazaqstan oblysy Borodýliha aýdanynda 4 balany qaǵyp ketken júrgizýshige qatysty sot úkimi shyqty, dep habarlaidy QazAqparat tilshisi.
Aýdandyq sottyń málimetine súiensek, Jańa Shúlbi aýylynyń turǵyny ishimdik iship alyp, Mitsubishi avtokóligin tizgindegen.
Kenet kólik joldan shyǵyp ketip, jer úidiń syrtynda oinap júrgen tórt qyzdy qaǵyp ketti.
Saraptama nátijesi kórsetkendei, 31 jastaǵy er adam qatty mas bolǵan.
Qyzdardyń jasy – 12, 11, 10 jáne 6-da. Jol apaty saldarynan 10 jastaǵy bala sol jerde mert boldy, taǵy ekeýi aýyr dene jaraqatyn alǵan.
Sot sheshimimen aiyptalýshy QR Qylmystyq Kodeksiniń 345-baby 3-bóligimen kináli dep tanylyp, úsh jarym jylǵa bas bostandyǵynan aiyryldy.
Jábirlenýshi tarap bul sheshimmen kelispei, jazany qatańdatýdy surap, apelliatsiiaǵa berdi.
ShQO soty úkimdi ózgerissiz qaldyrǵan.
Alaida Joǵarǵy sot Borodýliha aýdandyq jáne oblystyq sottardyń sheshimin buzyp, isti jańa talqylaýǵa jibergen.
Apelliatsiialyq úkim boiynsha Jańa Shúlbi aýylynyń turǵyny alty jylǵa túrmege qamaldy.
