Foto:instagram.com/p/CiRXxH9Kr3O
Jedel shtabtyń keiingi málimeti boiynsha, Shyǵys Qazaqstan oblysynda orman órtteriniń úshten biri joiylǵan, biraq bir ýchaskede jaǵdai shielenisken kúide qalyp otyr, - dep habarlaidy Tengrinews.kz.
Shyǵys Qazaqstan oblysy Tótenshe jaǵdailar departamenti málimetinshe, órtti sóndirýge 1167 adam, 123 tehnika, eki Mi-8 tikushaǵy, eki Mi-2 tikushaǵy, eýrokopter jáne tórt janarmai quiatyn kólik jumyldyrylǵan.
Kúrshim aimaǵyndaǵy jaǵdai shielenisken kúide qalyp otyr. Qatty jel órtsóndirýshiler jumysyn qiyndatyp otyr, qazir órtti sóndirýge 300-ge jýyq adam, eki tikushaq pen 34 tehnika jumyldyrylǵan. Mundaǵy jumys túnde de toqtamaidy.
"Kúrshim aýdanynda "Marqakól orman sharýashylyǵy" RMM, Bobrovka ormanshylyǵy jáne Tósqaiyń aýyldyq okrýgi aýmaǵynda shópter, butalar, aǵashtar órtendi. Órt jaiylǵan aldyn ala aýmaq - 1 800 gektar. Jaqyn ornalasqan eldi mekenderge qaýip joq. Órt sóndirý jumystary jalǵasyp jatyr", - delingen habarlamada.
Altai aýdanynda "Zyrian orman sharýashylyǵy" KMM jáne "Bykov ormanshylyǵy" aýmaǵyndaǵy butalar men shópterdi jergilikti atqarýshy organdar, ormanshylar, "Qazaviaormanqorǵaý", ShQO TJD órtsóndirýshileri taýly jerlerde 1400 gektar aldyn ala alańda órt sóndirýdi jalǵastyryp jatyr. Eldi mekenderge qaýip joq.
ShQO TJD-da jáne órt bolǵan jerde jedel shtabtardyń jumysy uiymdastyryldy. Joiýǵa barlyǵy 350-den asa adam men 33 tehnika jumyldyrylǵan.
"Katonqaraǵai aýdanynda, Altynbel aýylynan 12 shaqyrym, "Bolshenarym orman sharýashylyǵy" KMM, Novo-Berezovka ormanshylyǵynyń aýmaǵynda orman aimaǵynda buta, qurǵaq shóp órtenedi, aldyn ala aýdany 1900 gektar. Órtti joiýǵa 350 adam jáne 27 tehnika, ShQO TJD, orman sharýashylyǵy, JAO, halyq, politsiia jumyldyryldy. MI-2 jáne MI-17 tikushaqtary tartyldy. Quiǵan aýyldyq okrýgi aýmaǵynda shóp pen butalar órtendi, órtti sóndirý jetýi qiyn jerlerde bolǵandyqtan qiyndyq týdyrǵan, aldyn ala aýmaq 200 gektar orman aimaǵynda órttiń taralýy 17,5 gektar alańda toqtatyldy, órt tek dala aimaǵynda ǵana jalǵasyp jatyr", - delingen habarlamada.
Eldi mekenderge qaýip joq. Órtti joiýǵa ShQO TJD, orman sharýashylyǵy, JAO, politsiianyń 70-ten asa adamy men 18 tehnikasy jumyldyrylǵan.
