Shyǵys Qazaqstan oblysy Kókpekti aýdanynda maral atqan brakoner ustaldy, dep habarlaidy QazAqparat.
Politsiia qyzmetkerleri, «Ohotzooprom» RMQK ókilderi, ShQO Orman sharýashylyǵy jáne janýarlar dúniesi aýmaqtyq inspektsiiasy mamandary birlesken reid júrgizdi.
Shara barysynda Kókpekti aýyldyq okrýgindegi Tolaǵai taýynyń mańynda kele jatqan avtokólik toqtatylǵan.
Tekserý barysynda aýyl turǵyny tizgindegen kólik salonynda maral eti tabyldy.
«9 qap et, «Vepr 308» markaly karabin atys qarýy, 10 oq, maraldyń 2 múiizi, pyshaq jáne balta tárkilendi. Er adamnyń jabaiy ańdy atýǵa ruqsat qaǵazdary bolmaǵan», - dep habarlady ShQO orman sharýashylyǵy jáne janýarlar dúniesi aýmaqtyq inspektsiiasynyń baspasóz qyzmeti.
Qazirgi ýaqytta atalǵan fakti boiynsha QR QK 337-baby 1-bóligine (zańsyz ań aýlaý) sáikes sotqa deiingi tergeý amaldary bastaldy.
