Búgin aimaq basshysy Danial Ahmetov keńeitilgen apparat jiynynda óziniń jańa orynbasaryn tanystyrdy. Oblys ákiminiń ókimine sai bul laýazymǵa buǵan deiin ekonomika jáne biýdjettik josparlaý basqarmasynyń basshysy bolǵan Almashan Baýyrjanuly Smatlaev taǵaiyndaldy.
Almashan Smatlaevtyń tórt joǵary bilimi bar. 2011 jyly Máskeý qalasynda Resei Federatsiiasy Úkimeti janyndaǵy Qarjy ýniversitetin «ekonomika» mamandyǵy boiynsha támamdady. Sonymen qatar AQSh-tyń Pelsinvaniia shtatyndaǵy Blýmger ýniversitetinde «halyqaralyq ekonomika» bakalavryn aldy. 2012 jyly RF Úkimeti janyndaǵy Qarjy ýniversitetinde «qarjy jáne nesie» mamandyǵyn meńgerdi. 2015 jyly atalǵan bilim ordasynda «Memlekettik jáne mýnitsipaldi basqarý» magistri biliktiligin ielendi.
Eńbek jolyn 2009 jyly Máskeý qalasynda «Koral Grýpp» JShQ bas direktorynyń orynbasary laýazymynda bastady. 2011 jyldyń qarashasynda «Servis i Tehnologii INVEST» JShQ bas direktory bolyp taǵaiyndaldy. 2012-2014 jyldar aralyǵynda Eýraziialyq ekonomikalyq komissiianyń energetika jáne infraqurylym boiynsha kollegiiasy (Ministr) múshesi Sekretariatynyń konsýltanty, keiin keńesshisi bolyp qyzmet atqardy.
Jańa orynbasaryn tanystyrǵan Danial Ahmetov Almashan Smatlaevqa aimaqtaǵy qarjy tártibin kúsheitýge, sonymen qatar biýdjetten tys qarjy kózderine basa nazar aýdarýdy tapsyrdy.
Buǵan deiin atalǵan laýazymyn iesi bolǵan Rinat Muratuly Omarov endi Shyǵys Qazaqstan oblysy ákiminiń apparatyn basqarady.
