Shyǵys Qazaqstan oblysy men Jambyl oblystarynyń ákimderi Danial Ahmetov pen Kárim Kókirekbaev yntymaqtastyqtyń jańa dńgeiine kóshýge bel býyp, ekologiiany qosa alǵanda ekonomikanyń barlyq salalary boiynsha memorandýmǵa qol qoidy.
Óńiraralyq qarym-qatynastardy nyǵaitýǵa baǵyttalǵan kelisim - saýda-ekonomika, ǵylym jáne tehnika, gýmanitarlyq salalalardy qamtidy, dep habarlaidy QazAqparat tilshisi.
Búgin eki óńirdiń jáne ondaǵy barlyq salalyq departamentter men basqarmalardyń basshylarynyń kezdesýi barysynda taraptar yntymaqtastyqty tereńdetýdiń basym baǵyttary men óńirlerdiń áleýetteri týraly sóz etti. Onda birlesken kásiporyn qurý máseleleri de áńgime ózegine ainaldy.
Taraptardy qyzyqtarǵan máseleler jiyn barysynda tolyq ashyldy deýge kelmeidi. Degenmen, onda kóterilgen máselelerge qarai otyryp, bolashaqta birlesken kásiporyndardyń qurylýy ábden múmkin ekendgine kóz jetkizýge bolady. Bul rette óńir ókilderi birlesken kásiporyndardy sheteldik investitsiialardyń kómegimen de júzege asyrýǵa qarsy emes.
Oblys ókilderiniń pikirlerinshe, ásirese shaǵyn jáne orta biznes kásiporyndarynyń arasyndaǵy taýar satyp alý, iri kompaniialardyń qyzmetteri men jetistikterin paidalaný siiaqty tájiribeni jolǵa qoiǵan jón. Óz kezeginde bul shara taýar ainalamy men básekege qabilettilikti arttyrady. Óńirler aýyl sharýashylyǵy, azyq-túlik ónimderi tasymalyn jolǵa qoiyp, metall óńdeý, mashina qurylysy salalary boiynsha da yntymaqtastyq ornatýy múmkin.
Sonymen qatar sharýa qojalyqtary arasyndaǵy bailanystardy nyǵaitýǵa da basa kóńil bólmek. Naqty kelisimder boiynsha qabyldanǵan sheshimder keiinirek málim bolady. Al, búgin bazalyq kelisimge qol qoiylǵan soń taraptar ShQO sharýashylyqtaryn aralady.
