Memlekettik tildi damytý qory men Abai murajaiy yntymaqtastyq týraly memorandýmǵa qol qoidy

2017 jyldyń 11 qańtary kúni Astana qalasynda Memlekettik tildi damytý qory men Abaidyń «Jidebai-Bórili» memlekettik tarihi-mádeni jáne ádebi-memorialdyq qoryq-murajaiy ózara shyǵarmashylyq yntymaqtastyq týraly memorandýmǵa qol qoidy.

Memorandýmǵa qol qoiýdyń maqsaty – qazaq halqynyń mádeni, ádebi, rýhani jetistikterin keńinen nasihattaý, internet keńistiginde memlekettik tildiń qoldaný aiasyn keńeitý bolyp tabylady.

Yntymaqtastyq memorandýmynyń aiasynda «Abaialemi.kz» onlain entsiklopediialyq portalyn birlesip tolyqtyrýǵa, Uly Abaidyń ómiri men shyǵarmashylyǵy, onyń aqyn shákirtteri, zamandastarynyń estelikteri, abaitanýshylardyń Abaiǵa arnalǵan eńbekteri, shyǵarmalary jaiynda materialdar jinaý jumystaryn júzege asyrý, aqparattarmen almasý jáne birlesken bastamalardy ázirleýge qatysý kózdeledi.

Anyqtama úshin:

«Abaialemi.kz» - Abaidyń barlyq shyǵarmalary, aýdio, video materialdar jinaqtalǵan portal. Onlain portalda Uly Abai dáýiri, onyń aqyn shákirtteri jaily materialdar, zamandastarynyń estelikteri, abaitanýshylardyń Abaiǵa arnaǵan eńbekteri men shyǵarmalary jáne taǵy basqa aqparattar ornalastyrylǵan.

Portalda tuńǵysh qazaq roman-epopeiasy bolyp tanylǵan «Abai joly» kóptomdyq tarihi romanynyń álem halyqtarynyń tilderindegi aýdarma nusqalary ornalastyrylǵan. Romandy saittan onlain oqýǵa jáne tyńdaýǵa bolady.

Internet portal 2015 jyly Qazaqstan Respýblikasynyń Prezidenti N.Á.Nazarbaevtyń bastamasymen óziniń «Jibek joly» beibitshilik syilyǵyna alǵan qarjysyna ázirlendi. Elbasy osy atalǵan syilyqtyń bir bóligin áleýmettik jobalardy júzege asyrý úshin Memlekettik tildi damytý qoryna bergen bolatyn.

Jýyrda «Abaialemi» mobildik qosymshasy iske qosyldy. Endi Sizdiń smartfonyńyzda «Abai joly» qazaq, orys jáne aǵylshyn tilderinde bar. Mundai patriottyq baǵdarlama endi barlyq «Android» paidalanýshylar úshin qoljetimdi bolyp tabylady. Memorandým internet qaýymdastyǵynda Abai murasyn ári qarai nasihattaýǵa yqpal etetin bolady.