BUU Bas Assambleiasy 74-shi sessiiasynyń alańynda Memleket basshysy Qasym-Jomart Toqaev Shveitsariia Prezidenti Ýli Maýermen ekijaqty kezdesý ótkizdi, dep habarlaidy Aqordanyń baspasóz qyzmeti.
Kezdesý barysynda memleketter basshylary ekijaqty kún tártibindegi keń aýqymdy ózekti máselelerdi talqylady.
Qasym-Jomart Toqaev Qazaqstan-Shveitsariia arasyndaǵy yntymaqtastyqtyń joǵary deńgeide ekenin atap ótti.
– Shveitsariia – Qazaqstan úshin ekijaqty saýda jáne investitsiia kólemi boiynsha Eýropadaǵy negizgi áriptes. Bizdiń elderimiz bank, qurylys jáne agrarlyq salalardaǵy jobalardy belsendi damytyp keledi, – dedi Qasym-Jomart Toqaev.
Qazaqstan Prezidenti shveitsariialyq áriptesiniń nazaryn qarjylyq qyzmetter, mashina jasaý, himiia jáne farmatsevtika, aýyl sharýashylyǵy, azyq-túlik, týrizm salalarynda birlesip atqarar birqatar perspektivalyq jobalardyń bar ekenine aýdardy.
Kezdesý sońynda Qasym-Jomart Toqaev Ýli Maýerany biyl Qazaqstanǵa resmi saparmen kelýge shaqyrdy.
