Jeksenbiden dúisenbige qaraǵan kúni britandyq jáne daniialyq eki keme Shvetsiianyń Istad qalasy men Daniianyń Bornholm aralynyń arasyndaǵy sýda soqtyǵysty. Apat saldarynan kólemi jaǵynan kishirek Karin Hoej daniialyq kemesi aýdarylyp ketken, dep habarlaidy QazAqparat TT agenttigine silteme jasap.
Apat saldarynan eki adam joǵaldy. Jaǵalaý kúzetiniń habarlaýynsha, bes saǵattan beri olar áli tabylmady. Joǵalǵandardy izdestirýge alty kishi keme, eki saýda kemesi jáne Shvetsiia men Daniia tikushaqtary jumyldyrylǵan. Daniialyq TV 2 telearnasynyń habarlaýynsha, joǵalǵan adamdar aýdarylyp túsken kemeniń ishinde qalǵan bolýy da múmkin.
Apat týraly habar Shvetsiianyń Teńiz ákimshiligine saǵat 04:30-da Scot Carrier britandyq kemesinen kelip túsken. Ekipaj músheleriniń aitýynsha, olar sýdan shyqqan adamdardyń aiqaiyn estigen. Kemeden rezeńke qaiyq túsirilgen, alaida borttan túsken adamdar tabylmai jatyr.
