Sybailas jemqorlyqqa qarsy is-qimyl agenttiginiń tóraǵasy Alik Shpekbaev bilim baǵdarlamasyna jańa pán engizýdi usyndy, – dep habarlaidy Sputnik Qazaqstan.
Búgin agenttiktiń keńeitilgen alqa májilisinde mekeme basshysy ótken jyldyń qorytyndysyn jasap, aldaǵy maqsat-mindetterge toqtaldy. Osy oraida Shpekbaev jemorlyqtyń ziianyn túsindirý jáne adal qoǵamdy qalyptastyrý sharalaryna basa nazar aýdardy.
"Máselen, Transparency Kazakhstan-nyń qoldaýymen jemorlyqqa qarsy jazǵy mektepter turaqty túrde jumys istei bastady. Búginde ol mektepterdiń sany 4 myńǵa jýyqtady", - deidi Shpekbaev.
Budan bólek, onyń aitýynsha, toqsan saiyn "Adaldyq saǵaty" respýblikalyq aktsiiasy uiymdastyrylady.
"Infraqurylym da jasalyp jatyr. Adaldyq dúkenderi men kioskileri ashylýda. Barlyq oqý ornynda "Adaldyq negizderi" degen mindetti pán engizetin ýaqyt keldi dep oilaimyn", - dep túiindedi Shpekbaev.
Onyń pikirinshe, jańa pán engizýdiń arqasynda bilim mekemelerinde tárbie jumystary kúsheiedi.
