Foto: Nadejda Lipina
Qaraǵandy turǵyny HQKO-ǵa barǵannan keiin óziniń "qaitys bolǵan" degen esepte turǵanyn bilgen, - dep habarlaidy Tengrinews.kz agenttigi.
38 jastaǵy Nadejda Lipina biyl 23 mamyrda jeke kýáligin aýystyrý úshin halyqqa qyzmet kórsetý ortalyǵyna júgingen. Óitkeni qujatynyń merzimi aiaqtalǵan. Keiin 2012 jyldan bastap málimetter bazasynda áiel "qaitys boldy" degen esepte turǵany belgili bolǵan.
"Shoshyp kettim. Osy jyldar ishinde resmi jumys istedim. Nesie aldym, 2018 jyly bosandym, bir jasqa deiingi bala kútimi boiynsha járdemaqy aldym. Maǵan AHAJ tirkeý kitabynda meniń "ólimim" týraly jazba bary aityldy. Bul qalai bolýy múmkin? Túsinbeimin", - dedi Nadejda Lipina.
HQKO ókili áielge jaǵdaidy túzetýge ýáde bergen.
"23 mamyrdan bastap olardan jaýap kúttim. Búgin olar maǵan qońyraý shalyp, qate ózgertilgenin, jeke kýálikti aýystyrýǵa bara alatynymdy aitty. Dúisenbide baramyn, óitkeni búgin jumystamyn", - dedi Nadejda Lipina.
Qaraǵandy oblysy PD baspasóz qyzmeti ókili bolǵan jaǵdaiǵa qatysty pikir bildirdi.
"Azamatsha Lipina júgingen kezde, buryn berilgen kýálik 2012 jyly "azamattyń qaitys bolýyna bailanysty" degen qate sebeppen joiylǵany anyqtaldy.
9 maýsymdaǵy jaǵdai boiynsha, derekter bazasyna túzetý engizildi", - dep túsindirdi PD baspasóz qyzmeti ókili.
Sondai-aq, vedomstvo ókili áiel merzimi ótken qujat úshin aiyppul tólemeitinin atap ótti.
