Aqmola oblysynda meshitten sadaqaǵa arnalǵan jáshikti urlap áketpekshi bolǵan kúdikti anyqtaldy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 25 sáýirde Shortandy aýdandyq PB kezekshilik bólimine jergilikti turǵyn habarlasyp, belgisiz bireýdiń meshit ǵimaratynyn sadaqa jáshigin urlamaqshy bolǵanyn aitty.
«Oqiǵa ornyna jetken tártip saqshylary urynyń meshittiń terezesin buzyp ishine túskenin anyqtady. Politsiia qyzmetkerleri meshitte jáne sol mańdaǵy beinebaqylaý kameralaryndaǵy jazbany zerttei kele, kúdiktini anyqtady. Ol Shortandy kentiniń 44 jastaǵy turǵyny bolyp shyqty», - dedi vedomstvodan.
Anyqtalǵandai, er adam sadaqa jáshiginiń qulybyn buza almai, tastap ketip qalǵan.
«Qazirgi kezde osyǵan bailanysty «urlyqqa oqtalý» boiynsha qylmystyq is qozǵalyp, sotqa deiingi tergeý amaldary júrgizilýde. Kúdiktige «shaqyrǵanda kelý mindettemesi» protsessýaldyq sharasy qoldanyldy», - dep tolyqtyrdy vedomstvodan.
