Zardap shekken salalardaǵy ShOB sýbektileri Jalaqy tóleý qorynan zeinetaqy qoryna, áleýmettik saqtandyrý qoryna jáne meditsinalyq saqtandyrý qoryna tólem aýdarýdan jyldyń sońyna deiin bosatylady. Bul týraly QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Memleket basshysy Qasym-Jomart Toqaev Joldaýynda ekonomikany turaqtandyrýǵa jáne jańa jaǵdaida eldiń ornyqty damýyna baǵyttalǵan naqty is-sharalar josparyn belgilep berdi. Prezident aitqandai, búgingi kúrdeli jaǵdaida aldymyzda turǵan basty mindet – áleýmettik-ekonomikalyq turaqtylyqty, jumys oryndaryn jáne halyqtyń tabysyn saqtap qalý.
Osy mindetti sapaly oryndaý úshin Úkimettiń qarjy-ekonomikalyq blogynyń jumysy kelesi negizgi baǵyttar boiynsha júrgiziletin bolady. «Biznestiń jol kartasy - 2025» memlekettik baǵdarlamasynyń jańa baǵyty aiasynda Memleket basshysynyń tapsyrmasyna sáikes, shaǵyn jáne orta bizneske qosymsha kómek kórsetý maqsatynda sońǵy zaemshi úshin jyldyq 6 paiyzǵa jetkize otyryp, ShOB-tyń qoldanystaǵy kreditterdiń paiyzdyq stavkasyn sýbsidiialaý júrgiziledi. Sýdsidiialaý tótenshe jaǵdai rejimi jariialanan sátten bastap 12 ailyq kezeńdi jabady», - dedi birinshi vitse-premer Úkimet úiindegi baspasóz máslihatynda.
Onyń atap ótýinshe, biznes ahýaldy odan ary jaqsartý úshin keshendi sharalar qabyldanady. Bul táýekelderdi basqarý júiesin avtomattandyrý, barlyq retteýshilik talaptardy tekserýdi jáne olardy qysqartýdy qamtidy.
«Qazirgi ýaqytta Kásipkerlik kodeksine bekite otyryp, retteýshilik apelliatsiia institýtyn engizý boiynsha sharalar daiyndalyp jatyr. ShOB sýbektileri osy jyldyń sońyna deiin respýblikalyq jáne kommýnaldyq menshik nysandary boiynsha jalǵa alý tólemin tóleýden bosatylady. Mundai shara kvazimemlekettik nysandarǵa da qoldanylady. Zardap shekken salalardaǵy ShOB sýbektileri Jalaqy tóleý qorynan zeinetaqy qoryna, áleýmettik saqtandyrý qoryna jáne meditsinalyq saqtandyrý qoryna tólem aýdarýdan jyldyń sońyna deiin bosatylady. Orta shikizattyq emes kásiporyndarǵa baǵdarlanǵan eksporttyq akselleratsiia baǵdarlamasy iske qosylady. Kásipkerlikti qoldaý úshin qosymsha 200 mlrd teńge bólinip, jeńildik stavkamen ainalym kapitalyn kreditteý kólemi 800 mlrd teńgege deiin jetkiziledi jáne bul baǵdarlama 2021 jyldyń sońyna deiin uzartylady. Joǵaryda atalǵan sharalardyń barlyǵy 2025 jylǵa qarai jalpy ishki ónimdegi ShOB úlesin 35 paiyzǵa deiin arttyrý jáne bul salada jumyspen qamtylǵandar sanynyń 4 mln adamǵa deiin jetkizý tapsyrmasyn oryndaýǵa septigin tigizedi», - dedi Álihan Smaiylov.
