QHR shekarasynan RF shekarasyna deiin Qazaqstannyń shyǵysy arqyly ótetin M-38 jolynyń barlyǵy derlik biyl aqyly bolady. Bul jaiynda «QazAvtoJol» ulttyq kompaniiasynyń ókilderi ShQO-daǵy qoǵamdyq tyńdaý barysynda málim etti, dep habarlaidy "Ult aqparat".
Uzyndyǵy 464 shaqyrym bolatyn M-38 tas jolynyń Pavlodar – Semei – Qalbataý ýchaskesi biyl aqyly bolady.
Pavlodar oblysynda - 3, Shyǵys Qazaqstan oblysynda - 8 baqylaý arkasy ornatylyp, test rejiminde iske qosyldy.
ShQO-daǵy aqyly ýchaske Semei men Shar qalalary, sondai-aq Aqqýly, Besqaraǵai jáne Jarma aýdandary arqyly ótetin jolda bolady.
Buǵan deiin «QazAvtoJol» Pavlodar – Omby joly da aqyly bolatynyn habarlaǵan edi.
Aqy alýdyń ashyq júiesi M-38 avtojolynyń barlyq ýchaskesine engiziledi.
Qytai Halyq Respýblikasy shekarasynan Qalbataý aýylyna deiingi jol tegin bolyp qala beredi.
Pavlodar – Semei – Qalbataý ýchaskesi II tehnikalyq sanattaǵy jolǵa jatady. Iaǵni, júk kólikteri úshin ǵana aqyly bolady.
Jalpy, ShQO halqy aimaq joldaryna aqyly júieni engizýdi qoldady.
Biraq, turǵyndar qyzmetter men azyq-túlik baǵasynyń ósýine jol bermeý úshin jergilikti júk kólikterine, fermerler men kommýnaldyq qyzmet tehnikasyna jeńildik qarastyrýdy surady.
Sondai-aq, ShQO turǵyndary Pavlodar – Semei – Qalbataý jolyn 4 qozǵalys jolaǵyna deiin keńeitýdi, bólý jolaqtary men mal óte almaityn qorshaý ornatýdy talap etti.
