Shyǵys Qazaqstan oblysy turǵynynyń kóliginen 2 eliktiń eti tabyldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary Zaisan aýdanyndaǵy «Omby-Maiqapshaǵai» tasjolynda «Shevrolet Niva» markaly avtokólikti toqtatqan. Kólik ishinde Boran aýylynyń 47 jastaǵy turǵyny men Zaisan qalasynyń 43 jastaǵy turǵyny boldy.
«Tekserý barysynda kóliktiń júk salǵyshynan jalpy salmaǵy 37 keli 2 eliktiń eti tabyldy. Sondai-aq osy azamattardyń birine tiesili 16 kalibrli tegis uńǵyly myltyq tárkilengen», - dep habarlady vedomstvo ókilderi.
Qazirgi ýaqytta atalǵan fakti boiynsha Qylmystyq kodeksiniń 337-baby 1-bóligine sáikes sotqa deiingi tergeý amaldary júrgizilip jatyr.
