Shyǵys Qazaqstan oblysy sút óndirisi boiynsha respýblikada kósh basynda tur, dep habarlaidy "Ult aqparat".
Bul týraly ShQO ákimi Danial Ahmetov halyqqa esep berý barysynda aitty.
«Sońǵy bes jylda biz halyqtan sút satyp alý kórsetkishin 18 esege arttyrdyq. Sút óndirisimen ainalysatyn mekemelerdiń júktemesi 29-dan 87 paiyzǵa deiin ósti. Biraq daiyn sút ónimderiniń sapasyna qatysty birqatar másele bar. Álemdik standarttarǵa basa nazar aýdaryp, shikizattyń qyshqyldylyǵyn azaityp, óndiristi zamanaýi tehnologiialarǵa sáikestendirý qajet», - dedi aimaq basshysy.
Onyń aitýynsha, osynyń nátijesinde sút ónimderin Qazaqstannyń basqa aimaqtaryna ǵana emes, kórshi elderge de eksporttaýǵa múmkindik týmaq.
Esterińizge sala ketsek, osyǵan deiin Shyǵys Qazaqstanda 2100 oryndyq 3 mektep salynyp jatqandyǵy habarlanǵan.
