- Qazaqstan Táýelsizdiginiń 25 jyldyǵy qarsańynda, Shyǵys Qazaqstan oblystyq Ishki ister departamenti bastyǵynyń buiryǵy negizinde «Máńgilik el» uranymen Ulan jáne Glýbokov aýdandarynda oblystyq Ishki ister departamentiniń aqparattyq-nasihat toby jumys saparymen bolyp qaitty, dep habarlaidy QazAqparat vedomstvonyń baspasóz qyzmetiniń málimetterine súiene otyryp.
Toptyń aldyǵa qoiǵan maqsaty - Elbasy Nursultan Nazarbaevtyń Qazaqstan Táýelsizdiginiń qalyptasýyndaǵy joǵary tarihi rólin qalyń kópshilikke jetkizý. Top quramyna IIB Ardagerler keńesiniń tóraǵasy Nurlybek Úderbaev, kadrlyq jumys basqarmasynyń bastyǵy, politsiia podpolkovnigi Ramil Ahmerov, IID-niń Memlekettik til jáne aqparat basqarmasynyń bastyǵy Baqytjan Torǵaev, IID mýzeiiniń meńgerýshisi Jannet Qalimoldina kirgen.
Aýdandyq mádeniet úilerinde jetekshiler jeke qurammen, ishki ister organy ardagerlerimen, qylmystyq-atqarý júiesi qyzmetkerlerimen, mamandandyrylǵan kúzet qyzmetiniń ókilderimen kezdesý ótkizdi.
Sondai-aq top músheleri jergilikti bilik pen buqaralyq aqparat quraldarynyń ókilderimen jáne jastarmen júzdesti. Ekijaqty kezdesý barysynda jeke quramdy patriotizmge tárbieleý, Antqa adal bolý jáne qyzmettik paryz máseleleri sóz boldy.
Jiynǵa qatysýshylardyń nazaryna «Memleket basshysy» atty tarihi-dokýmentaldy film uynyldy. Sońynda basqosýǵa qatysýshylar atalǵan týnydy týraly oilarymen, alǵan áserlerimen bólisti.
