Shyǵys Qazaqstan oblysyna Qytai elinen meditsinalyq buiymdar jetkizildi, dep habarlaidy "Ult aqparat".
ShQO ákimi baspasóz qyzmetiniń málimetine súiensek, búgin saǵat 18.20-da meditsina buiymdary tielgen salmaǵy 14 tonnany quraityn júk Qytaidan Óskemen áýejaiyna jetkizilgen. Onyń ishinde 100 myń ekspress-test, 18 myń qorǵanys kostiými, 80 myń respirator, 10 myń dana qorǵanys maskasy bar.
Oblys ákimi Danial Ahmetovtiń aitýynsha, meditsinalyq buiymdar men arnaiy quraldardy satyp alý jáne tasymaldaý «Paryz» qoǵamdyq qory esebinen qarjylandyrylǵan. Taýarlardy qysqa merzim ishinde satyp alý qytailyq seriktes – shyńjańdyq «San Bao» saýda-ónerkásiptik korporatsiiasy JShS arqasynda múmkin boldy. Atalmysh kompaniia ShQO turǵyndary úshin óz esebinen 10 mln teńgeden astam somaǵa qosymsha Alena-310 markaly 2200 qorǵanys maskasyn, sondai-aq 200 myń dana qan alý úshin birrettik ineler men gradýirlengen tamyzǵyshtardy jibergen.
«Osylaisha, oblystyń barlyq infektsiialyq, provizorlyq jáne observatsiialyq statsionarlarynyń qajettiligi tolyǵymen qamtamasyz etiledi. Ekspress-testten aldymen KVI-men kúreste aldyńǵy shepte júrgen mamandar ótkiziledi. Olar meditsina, quqyq qorǵaý jáne sanitarlyq-epidemiologiialyq organdardyń qyzmetkerleri», - delingen aqparatta.
«Elbasy úndeýine sáikes jáne el Prezidentiniń tapsyrmasyn oryndaý aiasynda bizdiń oblys qysqa merzimde qytailyq áriptestermen yntymaqtastyqta qajetti meditsinalyq buiymdar men taýarlardy satyp aldy. Bul bizdiń jerlesterimizdiń densaýlyǵy men ómirin saqtaý úshin aldyńǵy qatarda jumys istep júrgen meditsinalyq jáne sanitarlyq-epidemiologiialyq qyzmet mamandaryn COVID-19-dan qorǵaý quraldarynyń qoryn qamtamasyz etýge múmkindik beredi», – deidi aimaq basshysy.
Taýarlardy tiep jóneltýge «Nur Otan» partiiasynyń eriktileri de belsendi túrde qatysty. Oblystyń qalalary men aýdandaryna ary qarai taratý úshin meditsinalyq buiymdar Jumyldyrý daiyndyǵy basqarmasynyń qoimasyna jetkiziledi.
