Shyǵys Qazaqstan oblysyna kelgen qutqarýshylar toby sý tasqynynyń aldyn alý sharalaryn júrgizýde, dep habarlaidy "Ult aqparat".
Esterińizge sala ketsek, osyǵan deiin óńirdegi sý basý qaýpi tóngen aimaqtarǵa arnaiy tehnikalar men áskeriler jetkizilgenin habarlaǵan bolatynbyz.
ShQO Tótenshe jaǵdailar departamenti baspasóz qyzmetiniń málimetine súiensek, Qaraǵandy oblystyq №52859 áskeri bóliminiń qyzmetkerleri qazirgi ýaqytta Kókpekti aýdany Samar aýylynda jáne Altai aýdanynyń sý basý qaýpi tóngen eki aimaǵynda tasqynǵa qarsy sharalardy qolǵa alǵan.
Quramynda 50 adamy bar jeke quram jergilikti atqarýshy organdarǵa jáne aýyl jurtshylyǵyna qardy shyǵarý jáne aryqtardy, sý ótkizý nysandaryn tazalaý boiynsha jumystarǵa belsendi kómek kórsetýde. Atalǵan aýdandarda barlyǵy 10 106 metr sý ótkizgish pen 3904 metr sý burý arnalary tazalandy. Sondai-aq 11 úi mańyndaǵy aýmaqtardan qar shyǵarylyp, 1320 qap inertti material tóseldi.
Budan bólek, uzyndyǵy 45 metr muz kesý jumystary júrgizilgen. Muzdyń qalyńdyǵy 1,5 metrdi quraidy. Sý tasqyny týyndaǵan jaǵdaida halyqqa is-qimyl tártibi túsindirildi.
