Shyǵys Qazaqstan oblysyna kelip jetken kúshter toby sý tasqynyna qarsy sharalardy bastap ketti, dep habarlaidy "Ult aqparat" oblystyq TJD baspasóz qyzmetine silteme jasap.
QR Tótenshe jaǵdailar ministriniń buiryǵymen óńirge 52859 áskeri bóliminiń 8 tehnikasy, Qaraǵandy oblysynan 4 qaiyǵy men 10 kóshpeli motopompa, jeke quramnyń 50 adamynan turatyn top kelgen bolatyn.
«Olar qazir Altai aýdany men Kókpekti aýdanynyń Samar aýylyna ornalasty. Búgin jeke quram sý tasqyny qaýipti aimaqta turǵan Samar aýylynan 70 shaqyrymda ornalasqan ýchaskedegi sý ótkizý qubyrlaryn tazalaýǵa kiristi. Bul ýaqytta Altai qalasynda áskeriler sý-jinaqtaýysh toǵannyń, sonymen qatar sý burý arnalarynyń deńgeiine monitoring jasaýda», delingen habarlamada.
Eske salar bolsaq «Qazgidromettiń» óńirlik filialynyń aqparatyna sáikes kúnniń jylynýyna bailanysty oblystyń jazyq jerlerinde qar kúrt erip, qarǵyn sý kóbeiýiedi dep boljanǵan.
