Shyǵys Qazaqstan oblysyndaǵy saýda ortalyqtarynda vaktsinatsiia pýnktteri ashylady, dep habarlaidy "Ulta qparat".
Óńirde 2021 jyldyń 1 aqpanynda koronavirýs infektsiiasyna qarsy vaktsinatsiialaý naýqany bastalǵan bolatyn. ShQO Densaýlyq saqtaý basqarmasynyń málimetine súiensek, búgingi tańda aimaq boiynsha 9457 adam vaktsinanyń birinshi komponentin alsa, 5118 adam revaktsinatsiiadan ótken.
Budan bólek, vaktsinatsiia pýnktterin kóbeitý jumystary júrgizilýde. Qosymsha pýnktterdi oblystyń iri kásiporyndary men saýda ortalyqtarynda ashý josparlanýda.
«Vaktsina meditsinalyq qyzmetkerlerge, quqyq qorǵaý organdarynyń ókilderine, muǵalimder men sozylmaly aýrýlary bar adamdarǵa egilýde. Qazirde 60 vaktsinatsiia pýnkti ashylǵan. Mundai pýnktterdiń sanyn arttyrý kózdelip otyr. Naqty aitqanda, osy apta ishinde taǵy 60-qa jýyq vaktsinatsiia pýnkti jumysyn bastaidy. Onda kez kelgen niet bildirgen azamat vaktsina alatyn bolady», - dedi ShQO Densaýlyq saqtaý basqarmasynyń basshysy Ermek Omarbekov.
