Foto:instagram.com/shygysqaz_tjd
Shyǵys Qazaqstan oblysynda órttiń jaqyndaýyna bailanysty Kamennyi Karer aýylyndaǵy adamdardy evakýatsiialaý bastaldy, - dep habarlaidy Tengrinews.kz.
Birneshe kúnnen beri Shyǵys Qazaqstan oblysynyń órtsóndirýshileri birneshe aýmaqta shóp pen butalardy sharpyǵan órtti sóndirip jatyr. Tabiǵi sipattaǵy órt Altai óńirinde, Marqakól, Katonqaraǵai, Glýbokovskii aýdandarynda, sondai-aq Óskemen qalasynan alys emes jerde tirkelgen.
Búgin órt Kamennyi Karer aýylyna (Glýbokovskii aýdany) jetken.
"Qutqarýshylar, áskeriler men politsiia, Ulttyq ulan men ormanshylar 60 gektar aýmaqta qurǵaq shóp, butalar órtine qarsy kúresip jatyr. Órtti sóndirý jumystaryna aýa raiy kedergi keltirip jatyr: aýa temperatýrasy +35 gradýs, ekpini sekýndyna 15 metr bolatyn jel soǵyp tur", - dedi ShQO Tótenshe jaǵdailar departamenti ókilderi.
Vedomstvoda qazirgi ýaqytta turǵyn úilerden adamdardy evakýatsiialaý týraly sheshim qabyldanǵanyn túsindirdi, shamamen 50 adam.
Órtti sóndirýge 500-ge jýyq adam men 50-den asa tehnika jumyldyrylǵan.
Osydan birneshe saǵat buryn Gornaia Ýlbinkaǵa baratyn joldyń bir bóligi jabylǵan bolatyn. Oǵan sebep – jolǵa jetken kúshti órt.
Bul rette erteń Shyǵys Qazaqstan oblysynda kún kúrkireitini aityldy. Qazgidromet málemetinshe, 8 qyrkúiekte oblystyń soltústigi men shyǵysynda naizaǵai oinaidy. Soltústik-batystan, soltústikte, shyǵysta jel sekýndyna 15-20 metrge deiin jetedi.
