Shyǵys Qazaqstanda jyl basynan beri 814,1 gektar aýmaqty qamtyǵan 74 orman órti tirkeldi, onyń 60%-y naizaǵaidan tutanǵan, dep habarlaidy QazAqparat.
Aimaqtaǵy tótenshe jaǵdailar qyzmetiniń málimetinshe, 36 órt turǵyndardyń otty abaisyz qoldanýynyń saldarynan týǵan.
«Órttiń qaýipti kezeńi bastalǵannan beri Shyǵys Qazaqstan oblysynyń qutqarýshylary kúsheitilgen qyzmet túrine kóshti. Tutanýdy bastapqy satyda qadaǵalaý úshin TJD mamandary kosmomonitoringti paidalanady. Búgingi tańda ǵaryshtyq tehnologiianyń kómegimen 482 termiialyq núkte tirkeldi, olardy Órt sóndirý bólimsheleri jedel pysyqtady jáne órttiń odan ári taralýyna jol bermedi», - dep jazdy vedomstvodan.
TJD kún saiyn aerovizýaldy tekserý kómegimen jaǵdaiǵa monitoring jasalatynyn atap ótken. 22 maýsymda 5 ushý júzege asyrylǵan.
«Aýyl sharýashylyǵy alqaptarynda qurǵaq shópti baqylaýsyz jaǵý, orylǵan shópti órteý jáne órt qaýipsizdigi erejelerin saqtamaý sharalaryna Ákimshilik quqyq buzýshylyq týraly kodekstiń 336, 410-baptary boiynsha jaýapkershilik kózdelgen. Qazirge deiin 336-bapty buzǵany úshin 11 jáne 410-bap boiynsha 28 azamat ákimshilik jaýapkershilikke tartyldy», - dep málimdedi vedomstvo.
