Shyǵys Qazaqstan oblysynda jylytý maýsymy bastalǵaly beri iis tigen 11 adam qaza boldy, dep habarlaidy "Ult aqparat".
ShQO TJD baspasóz qyzmetiniń málimetinshe, jylytý maýsymy bastalǵaly beri turǵyn úilerge kún saiyn profilaktikalyq tekserýler júrgizilýde.
Nátijesinde qutqarýshylar peshti paidalaný kezinde órt qaýipsizdigi talaptaryn buzýdyń 85 495 faktisin anyqtady.
«Biylǵy jylytý maýsymynda iis tigen 72 adam zardap shegip, 11 adam kóz jumǵan. Sońǵy oqiǵa 9 naýryz kúni Óskemen qalasynda boldy. Iis tigen 1951 jylǵy zeinetker aýrýhanaǵa jetkizildi. Onyń eki nemeresi de zardap shekken. Belgili bolǵandai, qutqarýshylar birneshe kún buryn osy úige baryp, úi iesine tiisti nusqama bergen. Alaida ol eskertýlerdi elemedi» delingen habarlamada.
Jazataiym oqiǵa men órttiń aldyn alý úshin qutqarýshylar óńir jurtshylyǵyna turaqty túrde túsindirý jumysyn júrgizip jatyr.
2021 jyldyń basynan beri 82 481 tekserý jasalǵan.
Áleýmettik osal 11 429 otbasynyń turǵyn úiine ýly gaz datchikteri ornatyldy.
