Shyǵys Qazaqstan oblysynda jylqyny kólik qaǵyp ketip, eki adam jaraqattandy, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, 13 qyrkúiek kúni keshki saǵat 21:30 shamasynda «Óskemen-Samar» tasjolynyń 56-shaqyrymynda Lada Largus avtokóligin júrgizip kele jatqan 44 jastaǵy júrgizýshi 1,5 jasar qunandy qaǵyp ketken.
«Jol-kólik oqiǵasy saldarynan júrgizýshi men onyń áieli túrli dene jaraqatyn alǵan. Sondai-aq kólik iesine materialdyq zalal keldi» dep habarlady vedomstvo ókilderi.
Maldy qaraýsyz jaiǵany úshin QR Ákimshilik quqyq buzý týraly kodekstiń 408-baby boiynsha jylqy iesine hattama toltyryldy.
