Shyǵys Qazaqstan oblysynda biylǵy órt qaýpi joǵary kezeń bastalǵaly beri 492 gektar orman janyp ketti, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, óńirde 153 tabiǵi órt bolyp, 492,07 gektar orman alqaby janyp ketti. Sondai-aq 3869 gektar alańda 140 shóp janýy tirkelgen.
«Órt qaýipsizdigin qamtamasyz etý úshin oblysta 69 birlesken mobildi top quryldy. Onyń quramynda 384 adam bar. Osy ýaqytqa deiin 872 reid júrgizilip, órt qaýipsizdigi talaptaryn buzǵan 259 adam anyqtaldy», - dep habarlady vedomstvo ókilderi.
Mamandardyń aitýynsha, orman órtteri kóbinese ashyq dalada bastalady. Sodan keiin qyzyl jalyn jelmen ormanǵa deiin jetedi. Órttiń 75%-y naizaǵaidyń saldarynan shyqqan.
