Shyǵys Qazaqstan oblysynyń politseileri jolda qalǵan qaraǵandylyq júrgizýshige kómekke keldi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, «Óskemen-Ridder» tasjolynyń 97-shaqyrymynda júk kóligi qar qursaýynda qalǵan. Osy ýchaske mańynda tártip saqshylary Qýanysh Maýshanov pen Syrym Altaiuly patrýldep júrgen. Olar birden kómekke keldi.
«Politseiler Qaraǵandy qalasynyń turǵynyna kómek kórsetip, joldy qardan tazalaityn mekeme jumysshylaryn shaqyrdy. Kóp uzamai júk kóligi qardan shyǵarylǵan. Óz kezeginde júrgizýshisi politseilerge óz alǵysyn bildirdi», - delingen habarlamada.
