Shyǵys Qazaqstan oblysy Ridder qalasynda joǵalyp ketken balanyń denesi tabyldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, politsiiaǵa habarlasqan áiel 2 jasar uly Arsen Kiselevtiń juma kúni kúndiz ádettegidei aýlaǵa oinaýǵa shyqqanyn, biraq keiin ony tappai qalǵanyn jetkizdi.
Politseiler Arseniidiń aǵa-ápkelerimen jáne kórshi balalarmen birge oinap júrgenin anyqtaǵan. Alaida keiin araǵa ýaqyt salyp, ol joǵalyp ketken.
«Izdestirý jumystaryn júrgizý úshin Óskemennen Politsiia departamentiniń jáne Tótenshe jaǵdailar departamentiniń qyzmetkerleri men kinologtar kómekke keldi. Politsiia qyzmetkerleri bala ózenge jaqyndap, sýǵa túsip ketýi múmkin degen boljam jasaǵan. Buǵan sý jaǵasyndaǵy izder dálel boldy. Biraz ýaqyttan soń balanyń máiiti yqtimal qulaý ornynan 1 shaqyrym qashyqtyqtan tabyldy», - dedi ShQO PD bastyǵy Saǵat Mádiev.
