Shyǵys Qazaqstan oblysynda jasandy jolmen qar túsirildi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, jasandy kóshkin túsirý jumystary «Óskemen-Tarǵyn-Samar» tasjolynda júrgizildi. Qalyń qar jaýyp, jel kúsheigen soń mamandar osy joldyń boiyndaǵy 9 ýchaskede kóshkin júrý qaýpin baiqaǵan.
«Jasandy jolmen 140 400 tekshe metr qar túsirildi. Ásirese tasjoldyń 100-shaqyrymda kóp qar jinalǵan. Bul ýchaskeden 30 000 tekshe metr qar tústi. Joldy jaýyp qalǵan qar birneshe saǵat boiy tazalandy», - delingen habarlamada.
Aita keteiik, aýa raiy eskertýlerine bailanysty oblystaǵy kóshkin qaýpi joǵary tasjoldar jabylýda. Qazirgi ýaqytta «Óskemen-Samar», «Óskemen-Altai-Rahman qainary» jáne «Óskemen-Taýly Úlbi-Severnoe» joldary jabyq.
