Shyǵys Qazaqstan oblysynda zańsyz ań aýlaǵan 20 adam jaýapqa tartyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary óńir boiynsha 20 qazannan bastap «Brakoner» jedel-aldyn alý sharasyn júrgizýde. Mundaǵy maqsat – brakonerlikti, biologiialyq resýrstardyń zańsyz ainalymyn anyqtaý jáne jolyn kesý.
«Sharanyń eki kúninde 37 reid ótkizildi. Sonyń nátijesinde, tabiǵat qorǵaý zańnamasynda 33 quqyq buzýshylyq anyqtaldy. Onyń ishinde ań aýlaý erejelerin buzǵany úshin – 20, balyq aýlaý erejelerin saqtamaǵany úshin – 13 adam jaýapqa tartyldy», - dep habarlady vedomstvo ókilderi.
Sondai-aq QR QK-niń 335-babyna sáikes 2 sotqa deiingi tergeý amaldary bastalǵan.
Aita keteiik, «Brakoner» jedel-aldyn alý sharasy 19 qarashaǵa deiin jalǵaspaq.
