Shyǵys Qazaqstan oblysynda úsh kúnde 146 turmystyq zorlyq-zombylyq faktisi tirkeldi, dep habarlaidy "Ult aqparat".
ShQO Politsiia departamenti baspasóz qyzmetiniń málimetinshe, tártip saqshylary «Turmys» jedel aldyn alý sharasyn júrgizdi. Shara barysynda profilaktikalyq esepte turǵan azamattarǵa erekshe nazar aýdarylǵan. Jalpy sany 4800-den astam adam turǵylyqty mekenjaiy boiynsha tekserildi. Úsh kún ishinde turmystyq zorlyq-zombylyqtyń 146 faktisi tirkelgen.
«Nátijesinde 93 adamǵa alkogoldi ishimdik ishýge tyiym salyndy. 1362 azamatqa qatysty qorǵaý nusqamasy, 671 adamǵa erekshe talaptar belgilendi. Kámelettik jasqa tolmaǵan balalardy tárbieleý jáne bilim berý, onyń quqyqtary men múddelerin qorǵaý jónindegi mindetterdi oryndamaǵany úshin ÁQBtK-niń 127-babyna sáikes 36 ata-ana jaýapqa tartyldy», - delingen habarlamada.
Sondai-aq 40 qolaisyz otbasy esepke qoiylyp, 28 ata-anaǵa qatysty materialdar kámeletke tolmaǵandardyń isteri jáne olardyń quqyqtary jónindegi komissiiaǵa joldandy.
