Foto: UQK baspasóz qyzmeti
Búgin Ulttyq qaýipsizdik komiteti terrorizmdi nasihattady degen kúdikpen Shyǵys Qazaqstan oblysynyń 18 jastaǵy turǵynyn ustady, - dep habarlaidy "Ul aqparat" vedomstvonyń baspasóz qyzmetine silteme jasap.
Tergeý áreketteri barysynda onyń turǵylyqty jerinen dini ádebietter tárkilengen.
"Qylmystyq kodekstiń 256-baby 2-bóligi boiynsha sotqa deiingi tergep-tekserý júrgizilip jatyr.
Buryn ustalǵan adamǵa qylmystyq qýdalaýǵa ákep soǵýy múmkin zańsyz áreketterge jol bermeýi týraly birneshe ret eskertilgen. Oǵan resmi saqtandyrý jariialanǵan. Aldyn alý sharalaryna qaramastan, ol qylmystyq áreketin jalǵastyrdy.
Qylmystyq-protsestik kodekstiń 201-babynyń 1-bóligine sáikes ózge de aqparat jariia etýge jatpaidy" - delingen habarlamada.
Ulttyq qaýipsizdik komiteti áleýmettik jelilerde taratylatyn radikaldy ideologiianyń, ásirese jastarǵa destrýktivti áser etý qaýpin eske salady.
Vedomstvo ókilderi ekstremistik mazmundaǵy Internet-resýrstarǵa kirýden bas tartýdy, al ata-analarǵa balalardyń radikaldy saittarǵa degen qyzyǵýshylyǵyna jaýapkershilikpen den qoiýdy usynady.
