Shyǵys Qazaqstan oblysy Ulan aýdanyndaǵy orta mektepte tamaqtan ýlanǵan oqýshylar sany 120-dan asty, dep habarlaidy "Ult aqparat".
Bozanbai aýylyndaǵy mektep oqýshylarynyń jappai ýlanýyna bailanysty tekserý júrgizilýde. Sońǵy málimetterge súiensek, zardap shekken balalar sany 127-ge jetip otyr.
ShQO Sanitarlyq-epidemiologiialyq baqylaý departamentiniń bastyǵy Qanat Turdiev onlain formatta ótken baspasóz konferentsiiasynda atqarylyp jatqan jumystarǵa toqtaldy.
29 naýryzdaǵy jaǵdai boiynsha 14 jasqa deiingi 93 bala, 28 jasóspirim jáne alty eresek adam ýlanǵan. Bul 127 adamnyń 110-y Bozanbai orta mektebiniń oqýshylary.
«Naýqastardyń dene qyzýy kóterilip, júrekteri ainyp, qusyp, ishteri ótken. Óskemendegi Ana men bala ortalyǵynyń juqpaly aýrýlar bólimine 62 bala jatqyzyldy. Qalǵandardy úilerinde dáriger baqylaýynda», - dedi Qanat Turdiev.
Onyń aitýynsha, epidemiologiialyq tekserý barysynda ýlanǵandarmen bailanysta bolǵan 383 adam anyqtalǵan. Olarǵa da meditsinalyq baqylaý júrgizilýde.
«Qazirgi ýaqytta departament mamandary men Ulttyq saraptama ortalyǵy tekserý jumystaryn jalǵastyryp jatyr. Quqyq qorǵaý organdarymen qozǵalǵan qylmystyq is boiynsha zerthanalyq zertteýlerge tamaq ónimderiniń synamasy alyndy. Mektep karantinge jabylǵan», - dedi ShQO sanitarlyq-epidemiologiialyq baqylaý departamentiniń bastyǵy.
