Memlekettik bilim berý tapsyrys ornyn qalyptastyrý kezinde 2016 jyly basymdyq jumysshylarǵa biliktilik boiynsha berildi, alaida buǵan qaramastan, aýdandarda oqytylatyn mamandardyń kópshiligi suranysqa ie bolmai otyr. Bul týraly tegin kásibi bilim berý máselesi qaralǵan májiliste sóz boldy, dep habarlady «QazAqparat» HAA.
Bilim berý basqarmasynyń basshysy Aijan Sadyqova alǵashqy tegin jumys kásibin alý boiynsha júrgizilgen túsindirý jumystarynyń nátijesinde aýyldyq oqý oryndaryna 25-29 jas aralyǵyndaǵy jastardy qabyldaý ótken jylmen salystyrǵanda 5 ese óskenin atap ótti. Alaida «Barlyǵy úshin tegin kásibi-tehnikalyq bilim berý» jobasy synǵa qaldy.
Mysaly, Besqaraǵai aýdanynda kolledj mehanizatorlar qajet bola tura, aspazdar men daiashylardy daiyndaidy. Bul rette mekemeniń júktemesi 40 paiyzdy quraidy, al jataqhana bos tur. Aýyl sharýashylyǵy tehnikasy bosqa tur, sebebi ony paidalana biletin mamandar joq. Óńir basshysy Danial Ahmetovtiń pikirinshe, basymdyq nomanaldy tólemge, stýdentterdi kóptep jinaýǵa berilýi tiis. Alaida sońǵy nátije enshkimdi tolǵandyra qoimaidy. «Aýdandyq kolledjderde birinshi kezekte, aýylǵa qajetti kásipterdi oqytýy tiis», - dep atap ótti oblys ákimi.
Vedomstvo «Barlyǵy úshin tegin kásibi bilim berý» jobasy aiasynda oqytýǵa tartýǵa arnalǵan jańa nysandar tabý qajettigi sóz boldy. Bilim berý basqarmasy kásipkerlik palatasymen yntymaqtasýy tiis. Biraq bul jetkiliksiz. Aýdandarda mamandar jaǵdaiyn taldap, ár óńir úshin basym kásipterdi anyqtaý qajet.
Bul úshin kásipkerler palatasyn ǵana emes, iri kásiporyndardy da tartý qajet. Kimniń qajettigin solar biledi. Bir aidan soń aýdan ákimderi suranysqa ie mamandyqtardyń tizimin berýi tiis. Sol boiynsha kelesi jylǵa bilim alýshylar jinalady.
Aitqandai, 2016 jyly «Barlyǵy úshin tegin kásibi-tehnikalyq bilim berý» jobasy boiynsha 35 myń adam oqytylady. Olardyń eki myńdaiy aýyldyq jerge keledi. Kelesi jyly mamandar sanyn 3000-nan 6000-ǵa ulǵaitý josparlanýda.
