Qazaqstan Respýblikasy Tótenshe jaǵdailar ministriniń nusqaýy boiynsha Shyǵys Qazaqstanǵa kelgen Qaraǵandy oblysy №52859 áskeri bóliminiń kúshteri men quraldary toby qazirgi ýaqytta Kókpekti aýdanyndaǵy Samar aýylynda jáne Altai aýdanynda birden 2 sý tasqyny qaýpi bar aimaqtarda sý tasqynyna qarsy jumystardy júrgizýde, dep habarlaidy "Ult aqparat".
Quramynda 50 adam bar jeke quram jergilikti atqarýshy organdarǵa jáne halyqqa qardy tazalaý, aryqtar men sý ótkizý qurylystaryn tazalaý boiynsha belsendi kómek kórsetýde. Bul týraly QR TJM resmi ókili Talǵat Ýáli málim etti.
Altai aýdanynda áskeriler Vtorýshenskii kanalynda muz kesý jumystaryn júrgizdi, mundaǵy muz qalyńdyǵy 1,5 metr, sondai-aq 60 metr sý ótkizý qubyrlary men 400 metr sý burý arnalary tazalandy, jeke turǵyn úi sektorynyń aýla aýmaqtary qardan tazartyldy, inertti materialy bar 100 qap tóseldi. Jeke quram Jergilikti toǵan - jinaǵyshtaǵy jáne Buqtyrma jáne Hamir ózenderindegi sý deńgeiin monitoring jasaýǵa jumyldyrylǵan.
Kókpekti aýdanynda «Marinogorka-Jýmba» avtojolynyń boiynda №52859 áskeri bólimi qar men muzdan 60 metr jáne 84 metr sý ótkizý arnalarynyń arnasyn tazalaý jumystaryn uiymdastyrdy.
