Shyǵys Qazaqstan oblysynda qutqarýshylar Borodýliha aýdany Novopokrovka aýylynyń turǵyndaryn evakýatsiialap jatyr, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, qutqarýshylar men jergilikti atqarýshy organ ókilderi Novopokrovka aýylynda turǵyndardy jedel evakýatsiialaýda.
Eldi mekendegi jer úilerdi sý basqan.
«Sý deńgeii 10-nan 30 santimetrge deiin jetedi. Qazirgi ýaqytta 10 turǵyn úiden evakýatsiialanǵan azamattar týystarynyń baspanalaryna ornalastyrylatyn boldy. Sonymen qatar mektepte jáne ákimdikte evakýatsiialyq pýnkt daiyndalǵan» dep habarlady vedomstvo ókilderi.
Oqiǵa ornyna departamentten, jergilikti atqarýshy organnan jáne 68303 áskeri bólimnen 83 adam men 19 tehnika, 3 júzý quraly, 5 motopompa jumyldyrylǵan.
400 dana ydys-qap tóseldi.
