Shyǵys Qazaqstan oblysynda karantindik shekteýler 2 sáýirge deiin uzartaldy, dep habarlaidy "Ult aqparat".
ShQO Bas memlekettik sanitariialyq dárigeriniń jańa qaýlysy jariialandy. Onda jazylǵandai, óńir boiynsha karantin 2 sáýirge deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
Búginde COVID-19 juqtyrǵan naýqastardy emdeýge arnalǵan infektsiialyq statsionarlardaǵy tósek qorynyń toltyrylý deńgeii – 2,7%. Oblys boiynsha infektsiianyń reprodýktivtik R sany – 0,954 quraǵan.
«Osyǵan deiin jaryq kórgen qaýlyda «Teatrlar men kinoteatrlardyń toltyrylýy 30 paiyzdan aspaǵan jaǵdaida bir ýaqytta 100 adamnan aspaýy kerek» dep jazylǵan bolatyn. Al bul qujatta «100 adam» degen sóz alynyp tastaldy. Iaǵni, endi teatrlar men kinoteatrlar jalpy syiymdylyǵyn 30 paiyzdan asyrmai kórermenderdi qabyldai alady», - dep túsindirdi ShQO Sanitariialyq epidemiialogiialyq baqylaý departamentiniń jurtshylyqpen bailanys jónindegi bas mamany Baǵlan Taýanova.
