Shyǵys Qazaqstan oblysynda muraǵattardan saiasi qýǵyn-súrgin kórip, áli kúnge deiin aqtalmaǵan 2847 adamnyń isi tabyldy, dep habarlaidy QazAqparat.
ShQO ákimi Danial Ahmetov saiasi qýǵyn-súrgin qurbandaryn aqtaý jónindegi komissiianyń esebin tyńdady.
«Tarihshylar, ǵalymdar men joǵary oqý oryndarynyń oqytýshylary úlken ári mańyzdy jumys atqardy. Muraǵattardan aqtalmaǵan 2847 adamnyń isi tabylǵan. Olardyń 2666-sy ońaltý sharalarymen qamtylýy tiis. Búginde komissiia barlyq qajetti qujattardy daiyndap qoidy. Óz týystarynyń taǵdyry týraly bilgisi keletin azamattardyń ótinishterinen keiin biz arnaiy portal ashtyq. Onda qaldyrylǵan ár ótinishti mamandar mindetti túrde qarastyrady. Qazirdiń ózinde 494 is memlekettik komissiianyń qaraýyna jiberilmek», - dedi aimaq basshysy.
Sondai-aq komissiia kúshtep jer aýdarylǵan 203 adamnyń isin tolyq zerdeledi. Onyń ústine alǵash ret olardyń naqty sany anyqtalmaq.
«Budan bólek, mamandar Uly Otan soǵysy kezinde kontslagerlerde bolǵan shyǵysqazaqstandyq tutqyndardyń isterimen jumys isteýde. Osy jumysqa stýdentterdi, magistranttardy, volonterlerdi tartý qajet. Biz óz tarapymyzdan olardy qajetti jabdyqpen qamtamasyz etýge daiynbyz. Tarih eshqashanda umytylmaýy jáne burmalanbaýy kerek! Bul saiasi kezeń tolyqqandy zerttelýi tiis», - dedi Danial Ahmetov.
