ShQO-da Memlekettik «Daryn» jastar syilyǵynyń laýreaty, kino jáne teatr akteri, aqyn, rejisser Rústem Esdáýletov atyndaǵy I respýblikalyq jastar jáne stýdentter teatry festivali bastaldy.
Atalmysh festival barysynda Kókshetaý, Semei, Almaty, Qaraǵandy, Astana qalalarynan kelgen teatr ujymdary baq synamaq.
– Eger Rústem quiryqty juldyzdai ómirden jarq etip ótpegende, bizdiń mádenietimiz ben ónerimiz, teatr, poeziia, proza óneri qazirgi deńgeiinen bir saty joǵary turar ma edi?! Biz festivaldi barlyq teatrlar arasynda ótkizýshi edik. Biraq, Rústem Esdáýletov qazaq jastarynyń bet beinesi, ónerli jastardyń simvoly retinde qalyptasyp ketkendikten, jastar men stýdentterdi shaqyryp, solardyń arasynda ótkizýdemiz, – dedi ShQO ákiminiń orynbasary Jaqsylyq Omar.
Sondai-aq, Jaqsylyq Muqashuly aityp ótkendei, aldaǵy ýaqytta festivaldiń aýqymy keńeiip, joǵary deńgeide ótkizilýine ShQO ákimdigi óz úlesin qosa bermek.
Festivaldiń ashylý saltanaty Rústem Esdáýletovtyń ómiri jaily baiandaityn «Bórinama» filminiń kórsetilimimen jalǵasyn tapty.
