Foto: QTJ
Shyǵys Qazaqstan oblysynda eki áieldi poiyz qaǵyp ketip, saldarynan bireýi qaza tapty, dep habarlady Ult.kz.
Qaiǵyly jaǵdai 22 tamyz kúni tańerteń Korshýnova – Óskemen-1 aralyǵynda bolǵan.
«Poiyz mashinisi temirjolǵa shyǵyp ketken áielderdi kórgen boida shuǵyl tejeýdi qoldanǵanmen, poiyzdy toqtatý múmkin bolmady. Oqiǵa saldarynan bir áiel oqiǵa ornynda jan tapsyryp, ekinshisi aýrýhanaǵa jetkizildi», - delingen QTJ baspasóz qyzmeti taratqan habarlamada.
QTJ qaza tapqan áieldiń týǵan-týystary men jaqyndaryna kóńil aitady jáne zardap shekken adamnyń tez saýyǵyp ketýin tileidi. Kompaniia azamattardy temirjol mańynda júrý erejelerin qatań saqtap, barynsha muqiiat ári saq bolýǵa shaqyrady.
