Shyǵys Qazaqstan oblysynyń Aiagóz aýdanyna qarasty Jaqsybulaq stantsiiasynda poiyzdar soqtyǵysty, dep habarlaidy "Ult aqparat".
«Qazaqstan temir joly» aktsionerlik qoǵamy baspasóz qyzmetiniń málimetterine qaraǵanda, oqiǵa búgin 08 saǵat 15 minýtta bolǵan. Kúshti jeldiń saldarynan stantsiiada turǵan júk vagondary ózdiginen oryndarynan qozǵalyp, sol sátte kelip qalǵan №3471 júk poiyzymen soqtyǵysqan.
Oqiǵa saldarynan lokomotiv pen 23 vagon relsten shyǵyp ketken. Lokomotivten órt shyqty. Opat bolǵandar men zardap shekkender joq. Oqiǵa bolǵan jerge Balqash, Aqtoǵai stantsiialarynan qalpyna keltirý jáne órt sóndirýshi poiyzdar jóneltildi. Oqiǵanyń sebep-saldaryn tekserý úshin arnaiy komissiia jolǵa shyqty.
«Sonymen qatar, oqiǵa saldarynan «Nur-Sultan Nurly jol – Dostyq» qatynasyndaǵy №54 poiyzy keshikti. Atalǵan poiyz jolaýshylarynyń jol júrý qujattarynda (biletterde) kórsetilgen mejeli jerlerine jetýi úshin avtobýstarmen tasymaldaý uiymdastyrylýda»,-delingen Ulttyq kompaniianyń habarlamasynda.
