Foto: Polisia.kz
Óskemen — Semei tasjolynyń 25-shaqyrymynda qolaisyz aýa raiy saldarynan DAF XF markaly júk kóligi joldan shyǵyp ketti, dep habarlaidy Ult.kz. Oqiǵa jol jabynynyń jaǵdaiyn eskermeýdiń saldarynan bolǵan, dep habarlaidy Ult.kz.
Oqiǵa ornyna jedel jetken patrýldik politsiia batalonynyń qyzmetkerleri jol qozǵalysy qaýipsizdigin qamtamasyz etip, júrgizýshige qajetti kómek kórsetti. Jaǵdaidy turaqtandyrý úshin volonterler tartylyp, júktiń bir bóligin túsirýge kómektesti.
Júk kóligi arnaiy tehnikanyń kómegimen qaýipsiz aimaqqa shyǵaryldy. Al Tótenshe jaǵdailar qyzmeti júrgizýshiniń túngi ýaqytta qaýipsiz ári jyly jerde bolýyn qamtamasyz etý úshin arnaiy jylytý beketin ornatty.
Politsiia qys mezgilinde, ásirese qala syrtyndaǵy tasjoldarda júrgizýshilerdi aýa raiy men jol jaǵdaiyn muqiiat eskerýge shaqyrady.
