Shyǵys Qazaqstan oblysy Jarma aýdandyq sáýlet, qala qurylysy jáne qurylys bóliminiń esepshisi 2 mln teńge jymqyrǵan, dep habarlaidy "Ult aqparat".
Bul jaily ShQO Sybailas jemqorlyqqa qarsy qyzmetiniń basshysy Erlan Jalmaǵambet onlain formatta ótken jiyn barysynda aitty.
«Jarma aýdandyq sáýlet, qala qurylysy jáne qurylys bóliminiń esepshisi 2011-2019 jyldar aralyǵynda óziniń kartochkalyq shotyna 2 mln teńgeni aýdarý arqyly biýdjet qarajatyn jymqyrǵan. Bul qylmystyń jasalýynyń negizgi sebepteriniń biri – tikelei basshynyń aldyn alý sharalaryn qoldanbaýy jáne durys baqylaý jasamaýy», - dedi ol.
Onyń aitýynsha, Jarma aýdanynyń ákimdigi men jergilikti memlekettik organdardyń basshylyǵy osyǵan uqsas quqyq buzýshylyqtardyń aldyn alý jáne boldyrmaý maqsatynda praktikalyq is-sharalar ótkizip, qyzmetkerlerine sybailas jemqorlyqqa qarsy zańnama erejelerin túsindirýi qajet.
Budan bólek, Jarma aýdandyq bilim bóliminiń jáne sáýlet, qala qurylysy jáne qurylys bóliminiń vedomstvolyq baǵynystaǵy uiymdarynyń býhgalterlik esep júrgizýine jyl saiynǵy tekserý kestesi bekitiledi.
