Shyǵys Qazaqstan oblysynda jylqy men túie satyp alǵan sharýa qojalyǵyna maldyń ár basyna 100 myń teńgeden, qymyzdyń ár litrine 60 teńgeden sýbsidiia tólenedi, dep habarlaidy "Ult aqparat" altaynews.kz saityna silteme jasap.
Tamyz aiynda iske qosylǵan «Qarapaiym zattar ekonomikasy» jobasy endigi ýaqytta mal basyn asyldandyrý úshin tórt túlikti shetelden emes, ózimizden alýǵa jaǵdai jasamaq. Iaǵni, buǵan deiin Resei, Chehiia, AQSh, Frantsiia, Avstraliia men Iran elderinen asyl tuqymdy mal tasyp júrgen sharýalar endigi kezekte óńirde ósirilgen asyldandyrylǵan mal tuqymdaryn satyp ala alatyn boldy.
Ótken jyly Aýyl sharýashylyǵy ministrliginiń tapsyrmasyna sáikes «Shyǵys Qazaqstan oblysynyń 2018-2022 jyldarǵa arnalǵan etti mal sharýashylyǵyn damytý tujyrymdamasy» bekitildi. Osy tujyrymda negizinde aýyl sharýashylyǵy janýarlaryn asyldandyrý-selektsiialyq jumystaryna sýbsidiia retinde beriletin memlekettik qoldaý «Sybaǵa», «Igilik», «Kásipker», «Isker», «Yrys» jáne joǵaryda aityp ketken «Qarapaiym zattar ekonomikasy» baǵdarlamalary arqyly qarastyrylǵan.
«Memleket tarapynan bólinetin sýbsidiialar oblys ákiminiń qaýlysy aiasynda ár baǵyt boiynsha bólinip, bekitiledi. Mysaly, jylqy men túie satyp alǵanǵa ár basyna 100 myń teńgeden, qymyzdyń ár litrine 60 teńgeden, iri qaraǵa selektsiialyq jumystar júrgizý úshin analyq siyrdyń ár basyna 10 myń teńgeden, asyl tuqymdy siyrlarǵa 20 myń teńgeden, al taýarly saýlyq qoilarǵa 1,5 myń, asyl tuqymdy qoilarǵa 2,5 myń teńgeden sýbsidiialar qarastyrylǵan», – deidi ShQO Aýyl sharýashylyǵy basqarmasy basshysynyń mindetin atqarýshy Vladimir Gailamazian.
Jaýapty tulǵanyń aitýynsha, ótken jyly oblysta 169,3 myń bas siyrǵa tuqymdyq túrlendirý jasalyp, óńir respýblikada birinshi orynǵa shyqty. Biyl bul kórsetkish 186,2 myń basqa jetpek.
