شىعىس قازاقستان وبلىسىندا جىلقى مەن تٷيە ساتىپ العان شارۋا قوجالىعىنا مالدىڭ ەر باسىنا 100 مىڭ تەڭگەدەن, قىمىزدىڭ ەر ليترٸنە 60 تەڭگەدەن سۋبسيدييا تٶلەنەدٸ, دەپ حابارلايدى "ۇلت اقپارات" altaynews.kz سايتىنا سٸلتەمە جاساپ.
تامىز ايىندا ٸسكە قوسىلعان «قاراپايىم زاتتار ەكونوميكاسى» جوباسى ەندٸگٸ ۋاقىتتا مال باسىن اسىلداندىرۋ ٷشٸن تٶرت تٷلٸكتٸ شەتەلدەن ەمەس, ٶزٸمٸزدەن الۋعا جاعداي جاساماق. ياعني, بۇعان دەيٸن رەسەي, چەحييا, اقش, فرانتسييا, اۆسترالييا مەن يران ەلدەرٸنەن اسىل تۇقىمدى مال تاسىپ جٷرگەن شارۋالار ەندٸگٸ كەزەكتە ٶڭٸردە ٶسٸرٸلگەن اسىلداندىرىلعان مال تۇقىمدارىن ساتىپ الا الاتىن بولدى.
ٶتكەن جىلى اۋىل شارۋاشىلىعى مينيسترلٸگٸنٸڭ تاپسىرماسىنا سەيكەس «شىعىس قازاقستان وبلىسىنىڭ 2018-2022 جىلدارعا ارنالعان ەتتٸ مال شارۋاشىلىعىن دامىتۋ تۇجىرىمداماسى» بەكٸتٸلدٸ. وسى تۇجىرىمدا نەگٸزٸندە اۋىل شارۋاشىلىعى جانۋارلارىن اسىلداندىرۋ-سەلەكتسييالىق جۇمىستارىنا سۋبسيدييا رەتٸندە بەرٸلەتٸن مەملەكەتتٸك قولداۋ «سىباعا», «يگٸلٸك», «كەسٸپكەر», «ٸسكەر», «ىرىس» جەنە جوعارىدا ايتىپ كەتكەن «قاراپايىم زاتتار ەكونوميكاسى» باعدارلامالارى ارقىلى قاراستىرىلعان.
«مەملەكەت تاراپىنان بٶلٸنەتٸن سۋبسيدييالار وبلىس ەكٸمٸنٸڭ قاۋلىسى اياسىندا ەر باعىت بويىنشا بٶلٸنٸپ, بەكٸتٸلەدٸ. مىسالى, جىلقى مەن تٷيە ساتىپ العانعا ەر باسىنا 100 مىڭ تەڭگەدەن, قىمىزدىڭ ەر ليترٸنە 60 تەڭگەدەن, ٸرٸ قاراعا سەلەكتسييالىق جۇمىستار جٷرگٸزۋ ٷشٸن انالىق سيىردىڭ ەر باسىنا 10 مىڭ تەڭگەدەن, اسىل تۇقىمدى سيىرلارعا 20 مىڭ تەڭگەدەن, ال تاۋارلى ساۋلىق قويلارعا 1,5 مىڭ, اسىل تۇقىمدى قويلارعا 2,5 مىڭ تەڭگەدەن سۋبسيدييالار قاراستىرىلعان», – دەيدٸ شقو اۋىل شارۋاشىلىعى باسقارماسى باسشىسىنىڭ مٸندەتٸن اتقارۋشى ۆلاديمير گايلامازيان.
جاۋاپتى تۇلعانىڭ ايتۋىنشا, ٶتكەن جىلى وبلىستا 169,3 مىڭ باس سيىرعا تۇقىمدىق تٷرلەندٸرۋ جاسالىپ, ٶڭٸر رەسپۋبليكادا بٸرٸنشٸ ورىنعا شىقتى. بيىل بۇل كٶرسەتكٸش 186,2 مىڭ باسقا جەتپەك.
