Shyǵys Qazaqstan oblysy COVID-19 infektsiiasyna qarsy vaktsina egýdiń ekinshi kezeńi bastaldy, dep habarlaidy "Ult aqparat".
Vaktsinatsiianyń ekinshi kezeńin júrgizý úshin reseilik «Spýtnik V» preparatynyń 6700 dozasy jetkizilgen. Birinshi kezeńde koronavirýsqa qarsy kúreske tikelei qatysatyn 1300 meditsina qyzmetkeri vaktsinatsiialanǵan bolatyn. Osydan keiin, 22 aqpanda dárigerler revaktsinatsiiadan ótti.
Búgin oblysta koronavirýsqa qarsy vaktsinatsiialaýdyń ekinshi kezeńi bastaldy. Endi pandemiiamen kúreste aldyńǵy qatarda bolmaǵan basqa dárigerler vaktsina alady. Sondai-aq naýryz aiynyń sońyna deiin muǵalimder men politseilerge ekpe egiledi.
«Árbir emhanada vaktsinatsiialaý úshin jeke kabinet jabdyqtalǵan. Onda dáriger, vaktsina salatyn jáne tirkeýshi medbikeler bar. Sonymen qatar jeke kabinet te qarastyrylǵan. Ol jerde vaktsina alǵandar 30 minýt boiy baqylaýda bolady», – dep habarlady ShQO Densaýlyq saqtaý basqarmasynyń baspasóz qyzmeti.
Vaktsinanyń birinshi komponentin alǵandar tiziminde oblystyq qan ortalyǵynyń sapany baqylaý bóliminiń zerthana mamany Svetlana Pavlitskaia bar.
«Vaktsina túrli aýrýlarmen kúresýdiń eń negizgi ádisi. Bizge ujymdyq immýnitetti damytý qajet. Ulym qazir basqa elde, ony bir jyldan astam ýaqyt kórmedim. Halyq ár túrli shekteýlerden sharshap, qarapaiym ómirge tezirek oralǵysy keledi. Osy rette, turǵyndarǵa koronavirýsqa qarsy vaktsinatsiiadan qorqýdyń qajeti joq dep aitqym keledi», – dedi ol.
Vaktsinatsiianyń bastalýyna qaramastan, mamandar saqtyq sharalaryn, QR Bas memlekettik sanitarlyq dárigeriniń talaptaryn saqtaýǵa shaqyrady. Óitkeni, vaktsinatsiia qaýipti dertpen kúresýdiń bir joly ǵana.
