Shyǵys Qazaqstan oblysynda koronavirýs juqtyrý kórsetkishi boiynsha Semei qalasy kósh basynda tur, dep habarlaidy "Ult aqparat".
Epidemiologiialyq jaǵdaidy baǵalaý matritsasyna sáikes óńir 15 sáýirden bastap «sary» aimaqqa kirgen. COVID-19 naýqastaryn emdeýge arnalǵan infektsiialyq statsionarlardaǵy tósek qorynyń qamtylý paiyzy – 6,2%, R – syrqattanýshylyq kórsetkishi – 1,182 qurap otyr.
«Virýs juqtyrý kórsetkishi boiynsha birinshi orynda – Semei (39) tur. Odan keiin Óskemen qalasy (25) ornalasqan. Qaýipti dertke shaldyǵý deńgeii ótken táýlikpen salystyrǵanda 70 jaǵdaiǵa asqan. Iaǵni 13 sáýir kúni 25 jaǵdai tirkelse, 14 sáýirde 95 adam virýs juqtyrdy. Olardyń ishinde oshaqtar sany – 92, bailanysta bolǵandar sany – 279. Barlyq 279 adam úide oqshaýlanyp, meditsinalyq baqylaýǵa alyndy», - delingen ShQO Sanitarlyq-epidemiologiialyq baqylaý departamenti taratqan habarlamada..
Epidemiologiialyq ahýal kúrdelengen jaǵdaida karantindik shekteýlerdi qatańdatý sharalary 5 kún ishinde júrgiziledi. Qazirgi ýaqytta áleýmettik-ekonomikalyq obektilerdiń qyzmetin shekteý QR Bas memlekettik sanitarlyq dárigeriniń 05.03.2021 jylǵy №10 qaýlysyndaǵy 3-qosymshasyna sáikes júzege asyrylýda.
