Shyǵys Qazaqstan oblysynda kásipkerden 30 mln teńge bopsalaǵan qylmystyq top múshesi ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary aqsha bopsalaýmen ainalysqan uiymdasqan qylmystyq toptyń jolyn kesý maqsatynda arnaiy operatsiia ótkizdi.
«Jedel ýákilderge buǵan deiin birneshe márte sottalǵan Óskemen qalasynyń 31 jastaǵy turǵyny qyrkúiek aiynda sharýa qojalyǵynyń iesin qorqytyp, 30 mln teńge bopsalaǵany týraly aqparat kelip tústi. Shara barysynda kúdikti qojalyq aýmaǵynda aqshany alyp jatqan sátinde ustaldy. Tintý barysynda onyń zańsyz áreketterin rastaityn zattai dáleldemeler alyndy», - dedi departament bastyǵynyń orynbasary Talǵat Shaiahmetov.
Qazirgi ýaqytta kúdikti sot sanktsiiasymen qamaýǵa alyndy. QR QK-niń 194-baby 4-bóligi boiynsha tergeý amaldary bastaldy. Oǵan 7 jyldan 15 jylǵa deiin bas bostandyǵynan aiyrý jazasy taǵaiyndalýy múmkin.
