Shyǵys Qazaqstan oblysy Altai aýdanynda eki er adam zeinetkerdiń úiine basa-kóktep kirgen, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tonaýshylar Serebriansk qalasynyń 80 jastaǵy turǵynyna pyshaq kezep, 33 myń teńgesin tartyp alǵan. Qaraqshylardy qolǵa túsirý úshin kriminaldyq politsiia basqarmasynyń jáne aýdandyq politsiia bóliminiń qyzmetkerlerinen jedel-tergeý toby qurylǵan.
«29 jáne 30 jastaǵy kúdiktiler kóp uzamai qolǵa tústi. Ekeýi de Altai aýdanynyń turǵyndary. Buryn sottalmaǵan. Qazirgi ýaqytta QR Qylmystyq Kodeksiniń 192-baby 3-bóliginiń 4-tarmaǵy boiynsha sotqa deiingi tergeý júrgizilýde», - dep habarlady vedomstvo ókilderi.
