Shyǵys Qazaqstan oblysynda qar erip, sý deńgeii kóterile bastady. Bul týraly búgin Shyǵys Qazaqstan oblysynyń aqparattyq ortalyǵy bazasynda oblystyq TJD bastyǵynyń orynbasary Qanat Ábdilov málim etti, dep habarlaidy "Ult aqparat".
Qanat Ábdilovtyń aitýynsha, oblys aýmaǵynda qar erip jatyr. Aimaqtyń qar basyp jatqan aýmaǵy 33% quraidy. Topyraqtyń joǵarǵy qabatynyń erýi baiqalady. Ridder qalasynda, Katonqaraǵai, Borodýliha aýdandarynda qar jamylǵysynyń biiktigi 50 sm-den aspaidy, tek Altai aýdanynda 71 sm. Ózenderdiń ashylýy jáne sý deńgeiiniń kóterilýi baiqalady. Sýdyń shekti deńgeilerden asyp ketýi baiqalmaidy.
Onyń sózinshe, ShQO Tótenshe jaǵdailar departamenti 8 ret aerovizýaldy tekserý júrgizdi. Oblys sý tasqynyna daiyndyq joǵary deńgeide, jedel shtabtar qurylǵan. Sý tasqynyna qarsy is-sharalardyń oblystyq jospary iske asyrylýda, qar shyǵarý, avtomobil jáne temir joldardaǵy sý ótkizý qurylystaryn, kópirlerdi, aryqtar men arnalardy tazartý boiynsha jumystar júrgizilýde. Shuǵyl shyǵyndarǵa jáne tótenshe jaǵdailardy joiýǵa qarajat kózdelgen. 2412 birlik tehnika, 379 motopompa men 106 evakopýnkt daiyndyqqa keltirildi.
ShQO tótenshe jaǵdailar departamentiniń jumyldyrý daiyndyǵy basqarmasynyń basshysy Eldos Chikenovtiń málimetinshe, zardap shekken halyqty qabyldaýdyń barlyq pýnktterine tekserý júrgizilgen, ýaqytsha bolý, tamaqtaný úshin jaǵdailar jasalǵan, sanitarlyq-turmystyq jaǵdailar jasalyp, ystyq tamaqpen qamtamasyz etýge, evakýatsiialyq is-sharalardy ótkizý úshin kólikti tartýǵa niet-sharttar jasalǵan.
Oblys ákiminiń tapsyrmasy boiynsha sý tasqyny bolýy yqtmial 4 aýdanda (Altai, Glýbokoe, Katonqaraǵai, Besqaraǵai) úshin qosymsha rezerv qurylǵan. Onda sý aidaý qurylǵylarynyń sanyn 2 esege jáne adam resýrstaryn 50% - ǵa ulǵaitý kózdelgen.
«Semei qalasyndaǵy Ertis, Buqtyrma, Ýba, Kúrshim ózenderindegi, Altai aýdanyndaǵy, Kúrshim, Borodýliha, Shemonaiha, Katonqaraǵai aýdandaryndaǵy barlyq 19 keptelis qaýpi bar ýchaskelerde jalpy alańy 180 myń sharshy metrden astam profilaktikalyq jarylys jumystary júrgizildi, 9,5 tonnadan astam jarylǵysh zattar paidalanyldy»,- dep atap ótti ShQO TJD bastyǵynyń orynbasary Qanat Ábdilov.
Tótenshe jaǵdailar ministriniń ókimi boiynsha oblystyń sý tasqyny qaýpi bar Altai men Kókpekti aýdanyna QR TJM №52859 áskeri bóliminiń jeke quramynan 50 adam, 8 birlik tehnika, 4 júzý quraly jáne 10 jyljymaly motopompa jiberilgen.
QR TJM 52859 áskeri bóliminiń jeke quramy sý tasqyny kezindegi is-qimyl tártibi týraly halyqqa túsindirý jumystaryn júrgizýde. Sondai-aq 5360 metr aryqtar men sý burý kanaldaryn, 38 metr sý ótkizý qurylystaryn tazalaý jumystary uiymdastyryldy, 38 qart jáne jalǵyz basty turǵyndardyń úi mańyndaǵy aýmaqtaryn tazartý, sondai-aq inertti materialy bar 2320 qap daiyndaldy, 200 dana qap tóseldi, muzdyń qalyńdyǵy 1,5 metrdi quraityn uzyndyǵy 45 metr muz kesildi.
ShQO Tótenshe jaǵdailar departamentiniń daǵdarys zalynda 20 naýryzdan bastap oblystyq sý tasqynyna qarsy jedel shtab jumys isteidi, ol árbir sý tasqyny qaýpi bar ýchaskege aqparat jinaýdy, óńdeýdi jáne taldaýdy júzege asyrady.
«Qazgidromet» RMK Shyǵys Qazaqstan oblysy boiynsha filialy ókilderiniń málimetinshe, 2021 jyldyń 15-30 sáýiri aralyǵynda kún qubylmaly bolady. Túnde kei jerlerde jańbyr, qar jaýady, kúndiz kei jerlerde jańbyr jaýady, jeldiń jyldamdyǵy sekýndyna 15-20 metrge deiin kúsheiedi. Túnde aýa temperatýrasynyń aýytqýy 0-5° - dan 2-7 ° - ǵa deiin, kúndiz 18-23° - dan 5-10 ° - ǵa deiin bolady.
